भोर (प्रतिनिधी)
(महाराष्ट्र वार्ता ऑनलाईन)
रविवार (दि.9) ऑगस्ट 2020 रोजी करंदी खे. बा. (ता. भोर) येथील व्यक्तीचा कोरोना अहवाल पॉझिटिव्ह आला त्यामुळे त्यास भोर येथील कोविड केअर सेंटरला हलविल्यानंतर करंदी खे. बा.गावात कोरोना प्रतिबंधासाठी आज( दि.10) रोजी विविध उपाययोजना केल्या.गावातील प्रत्येक नागरिकांनी कोरोना प्रतिबंधात्मक सूचनांचे तंतोतंत पालन करावे असे आवाहन करंदी खे. बा. च्या सरपंच अलका तळेकर यांनी केले.
करंदी खे. बा. गावामधील भैरवनाथ मंदिर ते विठ्ठल रुख्मिणी मंदिर ते पोटे घरापर्यंत सोडियम हायपोक्लोराईड ची फवारणी करून परिसर निर्जंतुकीकरण करण्यात आला .
आरोग्य कर्मचारी,अंगणवाडी सेविका,मदतनीस व जिल्हा परिषद प्राथमिक शाळा करंदी खे. बा. येथील शिक्षक यांच्या मदतीने गावाचादेखील सर्वे केला.सर्वे मध्ये तालुकाबाह्य व जिल्हा बाह्य प्रवास करणाऱ्या व्यक्ती,सदर कुटुंबात सर्दी, खोकला ताप लक्षणे आहेत काय?,कुटुंबात आजाराचा पूर्वइतिहास,60 वर्षावरील व्यक्ती संख्या आदी बाबींचा सर्वे करण्यात आल्याची माहिती जिल्हा परिषद प्राथमिक शाळेचे मुख्याध्यापक तानाजी नाईलकर यांनी सांगितले.
यावेळेस कृषी सहायक, गुरव , आरोग्य सेवक राजेंद्र मोरे,,साधना पोळ,(समुदाय आरोग्य अधिकारी), वंदना वाघमोडे, अंगणवाडी सुपरवायझर विद्या सोनवणे, शिक्षिका सुजाता तळेकर, पंकज राठोड,अंगणवाडी सेविका उषा खाटपे,आशा वर्कर नीलिमा शिंदे, शिपाई चंद्रकांत म्हस्के आदी उपस्थित होते.
