खेडशिवापूरला साडेतीन कोटींचा ड्रग्ज पकडला.
राजगड पोलिसांनी केली ,सर्वात मोठी केली कारवाई.
नसरापूर (प्रतिनिधी):-
राजगड पोलिसांनी पुणे-सातारा महामार्गावर खेडशिवापूर टोलनाक्यावर गोव्याकडे ६ किलो ड्रग्ज घेऊन चाललेल्या दोघांना अटक केली आहे. त्या चरसाची किंमत आंतरराष्ट्रीय बाजारपेठेत साडेतीन कोटी रुपये आहे.मुंबईवरून गोव्याला जात असताना खेडशिवापूर टोलनाक्यावर या तरुणांना मोठ्या शिताफीने पोलिसांनी पकडले.
खेडशिवापूर येथून तरुण ड्रग्ज घेऊन जात असल्याची माहिती गोपनीय बातमीदारकडून राजगड पोलिसांना मिळाली. ड्रग्ज तस्करी करणारे मुस्ताकीन हुनिया याला पोलीस पकडणार आहे हे लक्षात येताच त्याने पळून जाण्याचा प्रयत्न केला.
राजगड पोलिसांनी प्रसंगावधान दाखवताच राजगडचे पोलीस निरिक्षक सचिन पाटील, सहाय्यक निरिक्षक मनोजकुमार नवसरे यांनी पाठलाग करून पकडले. राजगड पोलिसांनी सहा किलो चरसाची किंमत ३२ लाख दाखवले आहे.
राजगड पोलिसांची सापळा रचून कारवाई.
भोर उपविभागिय अधिकारी धंनजय पाटील , प्रभारी पोलिस निरीक्षक सचिन पाटील , सहाय्यक निरिक्षक मनोजकुमार नवसरे , उपनिरिक्षक निखील मुगदूम, श्रीकांत पाटील, हवालदार अजित माने, भागिरथ घुले, पी.एस. निकम, संतोष तोंडकर, सुधीर खडतरे, नाना मदते, युवराज धोंडे, चालक सुनिल डिंबळे, राजगड पोलीसांच्या पथकाने या परिसरात सापळा रचून मुस्ताकीन हुनिया याला पकडले.
नेपाळ, बिहारमार्गे मुंबईत ड्रग्ज पुरवठा इतक्या मोठ्या प्रमाणात चरसचा साठा सापडल्याने पोलिसांनी या आरोपीची कसून चौकशी केली असता हा काही आंतरराष्ट्रीय तस्करांच्या संपर्कात असल्याचे समोर आले. त्या टोळीचा हा म्होरक्या असून, नेपाळमार्गे बिहार आणि तेथून मुंबईत ड्रग्ज आणत असल्याचे चौकशीतून पुढे आले आहे. बिहार पटना जवळील नेपाळच्या सीमेवरून हे चरस भारतात आणले जात असल्याचा संशय पोलिसांना आहे. त्यानुसार तस्करांची साखळी शोधण्याचा प्रयत्न पोलीस करीत आहेत. हे ड्रग्ज पाकिस्तानातून आले असावे, असेही म्हटले जात आहे.
पोलीस निरीक्षक सचिन पाटील यांची धडाकेबाज कारवाई.
राजगड पोलिस स्टेशनचे वरिष्ठ पोलीस निरीक्षक सचिन पाटील यांनी राजगडचा पोलीस निरीक्षक पदाचा कार्यभार हाती घेऊन काही दिवसातच राजगड पोलिस स्टेशनचे काम उंचावून सर्वसामान्यांना न्याय देऊन तसेच मोठ्या गुन्ह्यांमधील आरोपींना त्यांनी शिताफीने पकडून चांगली जरब बसवली आहे. त्यांच्या या उत्कृष्ट कामगिरीबद्दल शिवगंगा खोऱ्यात त्यांच्या कामाचं विशेष कौतुक व अभिनंदन होत आहे.
